Самі пра сябе

Жыццё чалавека часам напаўняецца непрыемнасцямі, стрэсамі, якія псуюць нервы і пагаршаюць стан здароўя. У такой сітуацыі нават заморскія лекі прыносяць мала карысці. Яшчэ ад прадзедаў усім вядома, што жарт, выпадкова пачуты ранкам, можа ўзняць настрой на цэлы дзень і нават дапаможа справіцца з праблемамі, што здаваліся невырашальнымі. Даўно даказана: смех — стымул жыццядзейнасці, смяяцца трэба і для здароўя. Чытаючы дасціпныя радкі з кнігі Уладзіміра Цануніна «Самі пра сябе», вы ўпэўніцеся ў гэтым.